በዕንቅልፍ ሠዓት ማንኮራፋትን ለመቀነስ የሚረዱ ሁኔታዎች

አዲስ አበባ፣ ሕዳር 17፣ 2016 (ኤፍ ቢ ሲ) ማንኮራፋት በምንተኛበት ጊዜ በመተንፈሻ አካላችን ላይ በሚፈጠሩ ለውጦች ምክንያት የሚመጣ ድምፅ ነው።

ማንኮራፋት÷ አብሮ የሚተኛን ሰው ከመረበሽ ባለፈ አንዳንድ ትኩረት ሊሰጣቸው የሚገቡ የጤና እክሎች ምልክት ሊሆን ይችላል፡፡

በእንቅልፍ ሠዓት ማንኮራፋትን ለመቀነስ የሚከተሉትን መፍትሄዎች ይከተሉ÷

1. የእንቅልፍ ሠዓትዎን ያስተካክሉ ÷ ለረጅም ሠዓታት ያለ ዕረፍት የሚሠሩ ከሆነ እና በመጨረሻ እጅግ በጣም እራስዎን ካዳከሙ የማንኮራፋት ድምፅ ያሰማሉ፤ ስለሆነም ለራስዎ በቂ ዕረፍት ይስጡ፤

2. ክብደትዎን ይቀንሱ ÷ ከጊዜ ወዲህ በመጣ ክብደት ማንኮራፋት የሚያስቸግርዎት ከሆነ ክብደትዎን በማስተካከል ማንኮራፋትን መቀነስ ይችላሉ፤

3. በጎንዎ ይተኙ ÷ በሚተኙበትን ወቅት በጀርባ ከመተኛት ይልቅ በጎንዎ መተኛት የአየር ቧንቧ መጥበብን በመከላከል ማንኮራፋትን መቀነስ ያስችልዎታል፤

4. ምቹ ትራስ ይጠቀሙ ÷ በሚተኙበት ወቅት እንደሁኔታው ለእርስዎ የሚመች ትራስ መጠቀም የማንኮራፋት ልምድዎን መቀነስ ያስችልዎታል፣

5. በቂ እንቅልፍ ያግኙ፣

6. አልኮል መጠጥ አይጠቀሙ ወይም በመጠኑ ያድርጉ ÷ የሚጠጡ ከሆነ ደግሞ ከመተኛትዎ በፊት ከ 2 እስከ 3 ሠዓታት አስቀድሞ መጠጣት፣ ይህም የበዛ የጡንቻ መላላት እንዳይኖር ይረዳል፤

7. ሲጋራ አያጪሱ፤

8. የአፍንጫ ቀዳዳዎችዎን በደንብ ያፅዱ፤

9. የአፍንጫ ወይም የመተንፈሻ አካል አላርጂክ ካለብዎ ሕክምና ይከታተሉ፤