የአውሮፓ ኔሽንስ ሊግ የፍጻሜ ጨዋታ ዛሬ ምሽት ይደረጋል

አዲስ አበባ፣ ሰኔ 1፣ 2017 (ኤፍ ኤም ሲ) በአውሮፓ ኔሽንስ ሊግ ፖርቹጋል ከስፔን ዛሬ ምሽት የሚያደርጉት የፍጻሜ ጨዋታ በጉጉት ይጠበቃል፡፡

ጨዋታው ምሽት 4 ሰዓት ላይ በሙኒክ አሊያንዝ አሬና ስታዲየም የሚደረግ ሲሆን÷ ሁለቱ ቡድኖች ካላቸው ምርጥ ተጫዋቾች አንጻር አጓጊ ሆኗል፡፡

በፖርቹጋል በኩል የ40 ዓመቱ ክሪስቲያኖ ሮናልዶን ጨምሮ ቪቲኒሃ፣ ጆዓዖ ኔቬስ የመሳሰሉ ከዋክብቶች የሚያደርጉት እንቅስቃሴ የሚጠበቅ ሲሆን÷ በስፔን በኩል የባርሴሎና ኮከቦች ላሚንያማል፣ ፔድሪን የመሳሳሉ ተጫዋቾች ይጠበቃሉ፡፡

በኔሽንስ ሊጉ የግማሽ ፍጻሜ ጨዋታ ፖርቹጋል ጀርመንን 2 ለ 1 በማሸነፍ ለፍጻሜው ማለፍ ስትችል÷ ስፔን በበኩሏ ፈረንሳይን 5 ለ 4 በሆነ ውጤት አሸንፋ ነው የፈጻሜ ተፋላሚ የሆነችው፡፡

ቀን 10 ሰዓት ላይ ጀርመን እና ፈረንሳይ 3ኛ ደረጃን ይዘው ለማጠናቀቅ ይፋለማሉ፡፡