ባህር ዳር ከተማ ወላይታ ድቻን 4 ለ 0 አሸነፈ

አዲስ አበባ፣ ሰኔ 5፣ 2017 (ኤፍ ኤም ሲ) በ34ኛ ሳምንት የኢትዮጵያ ፕሪሚየር ሊግ መርሐ ግብር ባህር ዳር ከተማ ወላይታ ድቻን 4 ለ0 አሸንፏል።

ምሽት 12 ሰዓት በአዳማ ሳይንስና ቴክኖሎጂ ዩኒቨርሲቲ ስታዲየም በተካሄደው ጨዋታ ወንድወሰን በለጠ በሁለተኛው አጋማሽ ለባህር ዳር ከተማ ሦስት ግቦችን በማስቆጠር ሀትሪክ ሰርቷል።

በተጨማሪም ቀሪዋን አንድ ግብ ፍፁም አለሙ ከእረፍት በፊት አስቆጥሯል።

በዚሁም ባህር ዳር ከተማ ወላይታ ድቻን 4 ለ 0 በሆነ ውጤት ማሸነፍ ችሏል።

ቀደም ብሎ ቀን 9 ሰዓት በተካሄደው የሊጉ መርሐ ግብር ሲዳማ ቡና እና ድሬዳዋ ከተማ ተጫውተው 1 ለ 1 በሆነ አቻ ውጤት ተለያይተዋል።

ፈጣን እና ወቅታዊ መረጃዎችን ለማግኘት፡-

ስፓርት