ሞናኮ አንሱ ፋቲን በውሰት አስፈረመ

አዲስ አበባ፣ ሰኔ 24፣ 2017 (ኤፍ ኤም ሲ) የፈረንሳዩ ክለብ ሞናኮ ስፔናዊውን የፊት መስመር ተጫዋች አንሱ ፋቲን በውሰት ውል አስፈርሟል፡፡

ሞናኮ ስፔናዊውን የፊት መስመር ተጫዋች በ11 ሚሊየን ዩሮ የመግዛት አማራጭ ባካተተ የውሰት ውል ወደ ስብስቡ ቀላቅሏል፡፡

በ2024/25 የውድድር ዓመት አንሱ ፋቲ ለባርሴሎና በሁሉም ውድድር 10 ጨዋታዎች ላይ ተሳትፏል፡፡

የ22 ዓመቱ ስፔናዊ የፊት መስመር ተጫዋች አንሱ ፋቲ በባርሴሎና ቤት እስከ 2028 የሚያቆይ ኮንትራት እንዳለው ይታወቃል፡፡

አንሱ ፋቲ በውሰት ውሉ መሰረት በሞናኮ እስከ ሰኔ 2026 ድረስ የሚቆይ ይሆናል፡፡

ከካታላኑ ክለብ ባርሴሎና በውሰት ውል ሞናኮን የተቀላቀለው አንሱ ፋቲ በሞናኮ ቤት 31 ቁጥር ማልያን እንደሚለብስም ተረጋግጧል፡፡

የፈረንሳዩ ክለብ ሞናኮ በክረምቱ የተጫዋቾች የዝውውር መስኮት ፖል ፖግባ፣ ኤሪክ ዳየር እና አንሱ ፋቲን በማስፈረም ቡድኑን የማጠናከር ስራ አጠናክሮ ቀጥሏል፡፡

ፈጣን እና ወቅታዊ መረጃዎችን ለማግኘት፡-

ስፓርት