ፕሬዚዳንት ታዬ የኮሞሮስ ነጻነት በዓል ላይ ለመታደም ሞሮኒ ኮሞሮስ ገቡ

አዲስ አበባ፣ ሰኔ 28፣ 2017 (ኤፍ ኤም ሲ) ፕሬዚዳንት ታዬ አጽቀ ሥላሴ በ50ኛው የኮሞሮስ ነጻነት በዓል ላይ ለመሳተፍ ሞሮኒ ኮሞሮስ ገብተዋል።

ፕሬዚዳንቱ ሞሮኒ ልዑል ሰይድ ኢብራሂም ዓለም አቀፍ አውሮፕላን ማረፊያ ሲደርሱ የሀገሪቱ ከፍተኛ የመንግስት ባለስልጣናት አቀባበል አድርገውላቸዋል።

ኮሞሮስ ከፈረንሳይ ቅኝ ግዛት ነጻ የወጣችው ሰኔ 29 ቀን 1967 ዓ.ም ሲሆን÷ በነገው ዕለት የምታከብረው 50ኛውን የነጻነት በዓሏን ነው።

በነጻነት በዓሉ ለመታደም ፕሬዚዳንት ታዬን ጨምሮ የሴኔጋል፣ ታንዛኒያ፣ ሞሮኮ፣ ማዳጋስካር፣ ሞሪታንያ እና ሌሎች የአፍሪካ መሪዎች ኮሞሮስ መግባታቸውን ኢዜአ ዘግቧል።

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና