አቶ ጀማል አሕመድ በደቡብ ካሎሪና ተወካዮች ም/ቤት እውቅና ተሰጣቸው

አዲስ አበባ፣ ሐምሌ 2፣ 2017 (ኤፍ ኤም ሲ) የሚድሮክ ኢንቨስትመንት ግሩፕ ዋና ሥራ አስፈጻሚ አቶ ጀማል አሕመድ በደቡብ ካሎሪና ተወካዮች ምክር ቤት አባላት የእውቅና ሰርተፊኬት ተበርክቶላቸዋል፡፡

አቶ ጀማል እውቅና የተሰጣቸው ሚድሮክ በእርሳቸው አመራር ሰጪነት ኢትዮጵያ በተለያዩ ምርቶች በዓለም አቀፍ ገበያ ተወዳዳሪ እንድትሆን ላበረከቱት አስተዋጽኦ ነው፡፡

የሚድሮክ ኢንቨስትመንት ግሩፕ በግብርና እና አግሮ ፕሮሰሲንግ ዘርፍ በመሰማራት ኢትዮጵያ በዘርፉ አመርቂ ውጤት እንድታስመዘገብ ጉልህ ሚና መጫወቱ ተመላክቷል፡፡

የቡና፣ ሻይ ቅጠልና ሌሎች ምርቶችን ለውጪ ገበያ በማቅረብ ኢትዮጵያ በዓለም አቀፍ ገበያ ተወዳዳሪ እንድትሆን ማስቻሉም ተጠቅሷል፡፡

ከግብርና ባሻገር በኢንዱስትሪና ሌሎች ዘርፎች የተሰማራው ሚዲሮክ ኢትዮጵያ ለጀመረችው አካታችና ዘላቂ ልማት ከፍተኛ አስተዋጽኦ እያበረከተ እንደሚገኝ መገለጹንም ድርጅቱ ለፋና ዲጂታል የላከው መረጃ ያመላክታል፡፡

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና