በኦሮሚያ ክልል የወባ ስርጭትን ለመግታት በትኩረት እየተሰራ ነው

አዲስ አበባ፣ ሐምሌ 11፣ 2017 (ኤፍ ኤም ሲ) የኦሮሚያ ክልል ጤና ቢሮ በክልሉ የወባ ስርጭትን ለመግታት በትኩረት እየተሰራ ነው አለ፡፡

በቢሮው የበሽታ መከላከል ዳይሬክተር አቶ ደረጀ አዱኛ ለፋና ዲጂታል እንዳሉት፤ ለበሽታው ተጋላጭ የሆኑ ዞኖችን በመለየት የቅድመ መከላከል ስራ እየተሰራ ነው፡፡

በአሁኑ ወቅት በምዕራብ ወለጋ እና በቄለም ወለጋ ዞኖች በ12 ወረዳዎች የፀረ ወባ ኬሚካል ርጭት እየተከናወነ እንደሆነም ጠቁመዋል።

እየተካሄደ ያለው የፀረ ወባ ኬሚካል ርጭት 1 ነጥብ 6 ሚሊየን ተጋላጭ ሰዎችን መታደግ እንደሚችል አብራርተዋል፡፡

በጅማ፣ ኢሉ አባቦር፣ ቡኖ በደሌ፣ ምዕራብ ሸዋ እና ወለጋ ዞኖች 2 ነጥብ 1 ሚሊየን አጎበር በላይ እየተከፋፈለ መሆኑን ጠቁመዋል፡፡

ለአብነትም በጅማ ዞን የበሽታው ምልክቶች በታዩባቸው ዘጠኝ ወረዳዎች የአጎበር ስርጭት መከናወኑን አንስተዋል።

መድኃኒቶች ለጤና ተቋማት እየቀረቡ መሆኑን ገልፀው፤ ለበሽታው የተጋለጡ ሰዎች ወደ ጤና ተቋማት በመሄድ ተገቢውን ምርመራ በማድረግ መድኃኒት መውሰድ እንደሚችሉ ተናግረዋል።

በሲፈን መገርሳ

ፈጣን እና ወቅታዊ መረጃዎችን ለማግኘት፡-

YouTube www.youtube.com/@fanamediacorporation Facebook www.facebook.com/fanabroadcasting Telegram t.me/fanatelevision Website www.fanamc.com TikTok www.tiktok.com/@fana_television WhatsApp www.whatsapp.com/channel/0029VbB0dRxG8l59MUkoWR29 Amharic Entertainment YouTube www.youtube.com/@fanaentertainment Facebook www.facebook.com/wmccwaltamediaandcommunicationcorporate TikTok www.tiktok.com/@fanamc_entertainment Amharic Documentary YouTube www.youtube.com/@fanamcdocumentary በመወዳጀት ይከታተሉን፡፡ ዘወትር፦ ከእኛ ጋር ስለሆኑ እናመሰግናለን!