በሀረሪ ክልል የአንድ ማዕከል አገልግሎት በአጭር ጊዜ ውስጥ ለማስጀመር እየተሰራ ነው

አዲስ አበባ፣ ሐምሌ 12፣ 2017 (ኤፍ ኤም ሲ) በሀረሪ ክልል የአንድ ማዕከል አገልግሎት በአጭር ጊዜ ውስጥ ለማስጀመር እየተሰራ ነው አሉ የክልሉ ርዕሰ መስተዳድር ኦርዲን በድሪ።

ርዕሰ መስተዳድሩና ካቢኔያቸው የመሶብ የአንድ ማዕከል አገልግሎት ለማስጀመር እየተሰራ የሚገኘውን ሕንጻ ተመልክተዋል።

አቶ ኦርዲን በድሪ በዚህ ወቅት እንዳሉት÷ ማዕከሉ በተለይም ከአገልግሎት ጋር በተያያዘ በተቋማት የሚነሱ ቅሬታዎችን በመፍታት ረገድ ጉልህ ፋይዳ ያበረክታል።

የማዕከሉ አገልግሎት ሙስናና ብልሹ አሰራሮችን በማስቀረት ህዝቡ ዘመናዊና ቀልጣፋ አገልግሎት እንዲያገኝ ያስችላልም ነው ያሉት።

በክልሉ መሶብ የአንድ ማዕከል አገልግሎትን በአጭር ጊዜ ውስጥ ለማስጀመር በልዩ ትኩረት እየተሰራ መሆኑንም ተናግረዋል።

በተስፋዬ ኃይሉ

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና