በመኪና አደጋ የ3 ሰዎች ህይወት አለፈ

አዲስ አበባ፣ ሐምሌ 23፣ 2017 (ኤፍ ኤም ሲ) ከደሴ ወደ ኮምቦልቻ ሲጓዝ የነበረ አይሱዚ መኪና በተለምዶ ሀረጎ ተብሎ በሚጠራ ቦታ ላይ በመገልበጡ የሦስት ሰዎች ህይወት አልፏል።

የመኪና መገልበጥ አደጋው በዛሬው ዕለት ከቀኑ 7 ሰዓት አካባቢ የደረሰ መሆኑ ተገልጿል።

የኮምቦልቻ ከተማ አስተዳደር ፖሊስ መምሪያ የመንገድ ትራፍሪክ ደህንነት ማረጋገጫ ዋና ክፍል ኃላፊ ኮ/ር ብርሃኑ ተሾመ ለፋና ሚዲያ ኮርፖሬሽን እንዳሉት÷ በአደጋው አሽከርካሪውንና ረዳቱን ጨምሮ የሦስት ስዎች ህይወት አልፏል።

የአደጋው ምክንያት እየተጣራ መሆኑንም ተናግረዋል።

በከድር መሀመድ

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና