ሩበን ዲያዝ በማንቼስተር ሲቲ ውሉን ለማራዘም ተስማማ

አዲስ አበባ፣ ሐምሌ 28፣ 2017 (ኤፍ ኤም ሲ) ፖርቹጋላዊው የተከላካይ ስፍራ ተጫዋች ሩበን ዲያዝ በማንቼስተር ሲቲ ለረጅም ዓመታት ለመቆየት ውሉን ለማራዘም ተስማምቷል፡፡

ሩበን ዲያዝ በማንቼስተር ሲቲ እስከ ፈረንጆቹ 2027 የሚያቆይ ኮንትራት ቢኖረውም ለተጨማሪ ዓመታት ለመቆየት መስማማቱን ዘ አትሌቲክስ ዘግቧል፡፡

የ28 ዓመቱ ሩበን ዲያዝ ከማንቼስተር ሲቲ ጋር የአውሮፓ ሻምፒየንስ ሊግን ጨምሮ የእንግሊዝ ፕሪሚየር ሊግ፣ ኤፍ ኤ ካፕ፣ ካራባኦ ካፕ እና የአውሮፓ ሱፐር ካፕ ዋንጫዎችን አሳክቷል፡፡

ሩበን ዲያዝ ከፖርቹጋሉ ክለብ ቤኔፊካ ማንቼስተር ሲቲን ከተቀላቀለ በኋላ ስኬታማ ዓመታትን በውሃ ሰማያዊዎቹ ቤት እያሳለፈ ይገኛል፡፡

በወንድማገኝ ጸጋዬ

ፈጣን እና ወቅታዊ መረጃዎችን ለማግኘት፡-

ስፓርት