ዲጂታል ኢትዮጵያ 2025 የስታርታፕ ቢዝነሶች እንዲስፋፉ እያደረገ ነው

አዲስ አበባ፣ ነሐሴ 6፣ 2017 (ኤፍ ኤም ሲ) ዲጂታል ኢትዮጵያ 2025 ኢኒሼቲቭ የቴክኖሎጂ ኩባንያዎች ነጥረው እንዲወጡ እና ስታርታፕ ቢዝነሶች እንዲስፋፉ እያደረገ ነው አለ የኢኖቬሽን እና ቴክኖሎጂ ሚኒስቴር፡፡

ኢኒሼቲቩ ሀገራዊ የቴክኖሎጂ ሥነምህዳር እንዲመሰረት ማስቻሉም ተገልጿል።

የኢኖቬሽን እና ቴክኖሎጂ ሚኒስትር አማካሪ አብዮት ባዩ (ዶ/ር) ኢትዮጵያ በኢኖቬሽን እና አርቲፊሻል አንተለጀንስ በርካታ ወጣቶችን የግዙፍ ኩባንያዎች ባለቤት ለማድረግ እየሰራች መሆኑን ተናግረዋል፡፡

መንግስት ለዘርፉ በሰጠው ትኩረት ሰፊ የቴክኖሎጂ መሰረተ ልማቶች መሰራታቸውን ጠቅሰው÷ ዘንድሮ ከከፍተኛ ትምህርት ተቋማት የተመረቁ ተማሪዎች የራሳቸውን ቢዝነስ እንዲመሰርቱ እድል እየተመቻቸ እንደሚገኝ ጠቁመዋል፡፡

ሁለተኛው ዙር ዲጂታል ኢትዮጵያ 2030 ኢኒሼቲቭ ይቀጥላል ያሉት አብዮት (ዶ/ር)÷ ዲጂታላይዜሽን ለስራ እድል ፈጠራ እና የፈጠራ አቅምን ለማጎልበት አቅም ይፈጥራል ብለዋል።

በጸጋዬ ንጉስ

ፈጣን እና ወቅታዊ መረጃዎችን ለማግኘት፡-

ቴክ