የእንግሊዝ ፕሪሚየር ሊግ ጨዋታዎች ዛሬም ቀጥለው ይካሄዳሉ

አዲስ አበባ፣ ነሐሴ 18፣ 2017 (ኤፍ ኤም ሲ) የእንግሊዝ ፕሪሚየር ሊግ ሁለተኛ ሳምንት መርሐ ግብር ዛሬ ቀጥሎ ሲካሄድ ሶስት ጨዋታዎች ይከናወናሉ።

ሊጉን በሽንፈት የጀመሩት ማንቼስተር ዩናይትዶች የውድድር ዓመቱን የመጀመሪያ ድል እያለሙ ዛሬ ምሽት 12:30 ላይ በክራቨን ኮቴጅ ፉልሃምን ይገጥማሉ።

በአርሰናል ሽንፈት ባስተናገዱበት ጨዋታ ተስፋ ሰጪ እንቅስቃሴ ያስመለከቱት ዩናይትዶች በዛሬው ጨዋታ ለአሸናፊነት ቅድመ ግምት አግኝተዋል።

በሌሎች የእለቱ መርሐ ግብሮች ክሪስታል ፓላስ ከኖቲንግሃም ፎረስት እንዲሁም ኤቨርተን ከብራይተን ቀን 10 ሰዓት ይጫወታሉ።

ትናንት በተካሄደው የሊጉ ሁለተኛ ሳምንት መርሐ ግብር አርሰናል ዮከሬሽ (2)፣ ዩሪየን ቲምበር (2) እና ቡካዮ ሳካ ባስቆጠሯቸው ግቦች ሊድስ ዩናይትድን 5 ለ 0 በሆነ ውጤት አሸንፏል፡፡

ቦርንማውዝ ወልቭስን፣ ብሬንትፎርድ አስቶን ቪላን በተመሳሳይ 1 ለ 0 እንዲሁም በርንሌይ ሰንደርላንድን 2 ለ 0 በማሸነፍ በውድድር ዓመቱ የመጀመሪያ ድላቸውን አሳክተዋል፡፡

በመጀመሪያው ሳምንት ከሜዳው ውጪ ድል ቀንቶት የነበረው ማንቼስተር ሲቲ በሜዳው ቶተንሃምን አስተናግዶ 2 ለ 0 ተሸንፏል።

ፈጣን እና ወቅታዊ መረጃዎችን ለማግኘት፡-

ስፓርት