አዲስ አበባ፣ ነሐሴ 23፣ 2017 (ኤፍ ኤም ሲ) የኢትዮጵያ መድን ድርጅት በተጠናቀቀው 2017 በጀት ዓመት 13 ነጥብ 3 ቢሊየን ብር በላይ ጠቅላላ የዓረቦን ገቢ ሰብስቧል፡፡
የድርጅቱ ዋና ሥራ አስፈጻሚ አቶ አቤል ታደሰ እንዳሉት÷ ኢትዮጵያ በተለያዩ ዘርፎች ፈጣን የኢኮኖሚ ለውጥ ላይ ትገኛለች።
ለዚሁ ለውጥም የመድን ኢንዱስትሪው የራሱ የሆነ አስተዋጽኦ እንዳለው ነው ያስገነዘቡት።
የኢትዮጵያ መድን ድርጅት በ2017 በጀት ዓመት ያስመዘገበው ውጤት አበረታች መሆኑን ጠቁመው÷ በበጀት ዓመቱ 13 ነጥብ 3 ቢሊየን ብር በላይ ጠቅላላ የዓረቦን ገቢ ሰብስቧል ብለዋል።
ከዚህ ውስጥም 12 ነጥብ 9 ቢሊየን ብር ከጠቅላላ መድን ዘርፍ እንዲሁን 428 ሚሊየን ብር ከሕይወት መድን ዘርፍ እንደተገኘ አስረድተዋል፡፡
በበጀት ዓመቱ ለካሳ ክፍያ የወጣው ገንዘብ 6 ነጥብ 56 ቢሊየን ብር እንደደረሰ መናገራቸውንም ኢዜአ ዘግቧል፡፡
አፈጻጸሙ ካለፈው ዓመት የካሳ ክፍያ ጋር ሲነጻር በ137 ነጥብ 9 በመቶ ብልጫ አሳይቷል ነው ያሉት ዋና ሥራ አስፈጻሚው፡፡
ፈጣን እና ወቅታዊ መረጃዎችን ለማግኘት፡-
YouTube www.youtube.com/@fanamediacorporation Facebook www.facebook.com/fanabroadcasting Telegram t.me/fanatelevision Website www.fanamc.com TikTok www.tiktok.com/@fana_television WhatsApp www.whatsapp.com/channel/0029VbB0dRxG8l59MUkoWR29 Amharic Entertainment YouTube www.youtube.com/@fanaentertainment Facebook www.facebook.com/wmccwaltamediaandcommunicationcorporate TikTok www.tiktok.com/@fanamc_entertainment Amharic Podcast YouTube www.youtube.com/@fanamcpodcast በመወዳጀት ይከታተሉን፡፡ ዘወትር፦ ከእኛ ጋር ስለሆኑ እናመሰግናለን!