ኮሚሽኑ በሰሜን አሜሪካ አጀንዳ የማሰባሰብ መድረክ ያካሂዳል

አዲስ አበባ፣ ነሐሴ 23፣ 2017 (ኤፍ ኤም ሲ) የኢትዮጵያ ሀገራዊ ምክክር ኮሚሽን ነሐሴ 24 ቀን 2017 ዓ.ም በሰሜን አሜሪካ ከሚገኙ ኢትዮጵያዊያንና ትውልደ ኢትዮጵያዊያን አጀንዳ የሚያሰባስብበት መድረክ ያካሂዳል፡፡

የኮሚሽኑ ኮሚሽነር መላኩ ወ/ማርያም እንደተናገሩት፤ ኮሚሽኑ የመንግስት ሳይሆን የህዝብ በመሆኑ ኢትዮጵያዊያን እና ትውልደ ኢትዮጵያዊያን በዚህ በተዘረጋ ታሪካዊ ዕድል በንቃት መሳተፍ አለባቸው፡፡

በምክክር መድረኩ ለስደት የዳረጓቸውን የሀገራቸውን ስር የሰደዱ ኢኮኖሚያዊ፣ ፖለቲካዊና ማህበራዊ ችግሮች በማንሳት አጀንዳ እንዲያቀርቡም ተጠይቋል፡፡

ይህንን ጉዳይ በአጀንዳ ቢያቀርቡ ሲመለሱ የምትመቻቸው ሀገር መፍጠር እንደሚችሉም ነው የተገለፀው፡፡

በአካባቢው የሚገኙ ኢትዮጵያዊያን እና ትውልደ ኢትዮጵያዊያን ብዥታ ከሚፈጥሩ ነገሮች ራሳቸውን እንዲያርቁ እና በምክክሩ ላይ መሳተፍ እንዳለባቸው ተመላክቷል፡፡

ሁሉም በምክክር መድረኩ በመሳተፍ ሀገራዊ ፋይዳቸው የጎላ አጀንዳዎችን ለኮሚሽኑ እንዲያስረክቡ ጥሪ መቅረቡን ኮሚሽኑ ለፋና ዲጂታል ገልጿል፡፡

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና