ኢትዮጵያ እና ሩሲያ በስፖርት ዘርፍ በትብብር ለመስራት ተስማሙ

አዲስ አበባ፣ መስከረም 5፣ 2018 (ኤፍ ኤም ሲ) ኢትዮጵያ እና ሩሲያ በስፖርት ዘርፍ በትብብር ለመስራት ተስማምተዋል፡፡

የባህል እና ስፖርት ሚኒስትር ዴዔታ ነፊሳ አልማህዲ ከሩሲያ ስፖርት ፌዴሬሽን ሚኒስትር ሚካኤል ዴግትያረቭ ጋር በትብብር ለመስራት በሚያስችሉ ጉዳዮች ዙሪያ ውይይት ተወያይተዋል፡፡

ሚኒስትር ዴዔታዋ በወቅቱ እንዳሉት፤ የረጅም ጊዜ ግንኙነት ያላቸው ኢትዮጵያ እና ሩሲያ በተለያዩ ዘርፎች በትብብር እየሰሩ ነው።

ይህንን ትብብር በስፖርት ዘርፍም አጠናክሮ ማስቀጠል እንደሚገባም ጠቁመዋል።

ኢትዮጵያ በስፖርት ልማት ዘርፍ ስልጠናዎች፣ ስፖርት ሳይንስ፣ ስነ-ምግብና ስፖርት አካዳሚ አስተዳደር እንዲሁም በቴክኖሎጂ ሽግግር በትብብር ለመስራት ፍላጎት እንዳላት ገልፀዋል።

ሚካኤል ዴግትያረቭ በበኩላቸው ግንኙነታችንን በማጠናከር በስፖርት ዘርፍ በጋራ እንሰራለን ብለዋል።

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና