ታሪክ ተናጋሪ ብቻ ሳንሆን ታሪክ ሰሪም ሆነናል

አዲስ አበባ፣ መስከረም 8፣ 2018 (ኤፍ ኤም ሲ) የደቡብ ኢትዮጵያ ክልል ርዕሰ መስተዳድር አቶ ጥላሁን ከበደ ታሪክ ተናጋሪ ብቻ ሳንሆን ታሪክ ሰሪም ሆነናል አሉ፡፡

በደቡብ ኢትዮጵያ ክልል ወላይታ ሶዶ ከተማ ታላቁ የኢትዮጵያ ሕዳሴ ግድብ መመረቁን አስመልክቶ የድጋፍና የደስታ መግለጫ ሕዝባዊ ሰልፍ ተካሂዷል፡፡

በሰልፉ ላይ የተገኙት አቶ ጥላሁን ከበደ ባስተላለፉት መልዕክት÷ በሕዳሴው ግድብ ላይ የታየውን አንድነት በማጠናከር ሀገራችንን ብሎም ክልላችንን የብልጽግና እና የመቻቻል ተምሳሌት ለማድረግ በትጋት መስራት አለብን ብለዋል፡፡

ታሪክ ተናጋሪ ብቻ ሳንሆን ታሪክ ሰሪም ሆነናል ያሉት ርዕሰ መስተዳድሩ÷ ግድቡ በሕብረትና በአንድነት መቻላችንን ያሳየንበት ነው ሲሉም አብራርተዋል፡፡

በሕዝባችን አንድነት የተጠናቀቀው ሕዳሴ ግድብ ለሌሎችም ፕሮጀክቶች የሚያነሳሳ ነው ብለዋል።

“በሕብረት ችለናል” በሚል መሪ ሐሳብ በተካሄደው ሰልፍ የፈረስ ጉግስ፣ ስፖርታዊ ውድድሮች እና ሌሎች መርሐ ግብሮችም ተከናውነዋል፡፡

በመለስ ታደለ

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና