የጎፋ “ጋዜ ማስቃላ” እና የኦይዳ “ዮኦ ማስቃላ” በዓላት እየተከበሩ ነው

አዲስ አበባ፣ መስከረም 14፣ 2018 (ኤፍ ኤም ሲ) የጎፋ ዞን ሕዝቦች የዘመን መለወጫ የጎፋ “ጋዜ ማስቃላ” እና የኦይዳ “ዮኦ ማስቃላ” በዓላት በሳውላ ከተማ በድምቀት እየተከበሩ ነው፡፡

በአከባበር ሥነ ሥርዓቱ የደቡብ ኢትዮጵያ ክልል ርዕሰ መስተዳድር ጥላሁን ከበደ፣ በሕዝብ ተወካዮች ም/ቤት የመንግስት ተጠሪ ሚኒስትር ተስፋዬ በልጂጌ (ዶ/ር) እና ሌሎች የፌዴራልና የክልል ከፍተኛ የሥራ ሃላፊዎች ታድመዋል፡፡

የጎፋ ዞን ሕዝቦች የአዲስ ዘመን ማብሰሪያ የሆኑት በዓላቱ የሰላም፣ የፍቅር፣ የአብሮነትና የአንድነት ባሕላዊ እሴቶችንና ትውፊቶችን በሚያንጸባርቁ መልኩ ነው እየተከበሩ የሚገኙት፡፡

ዘመናት በተሻገረ አብሮነት የተጋመዱና ባሕላዊ እሴቶቻቸው ተወራርሰው የተሰናሰሉት የጎፋና የኦይዳ ሕዝቦች በየራሳቸው የጊዜ ቀመር የዘመን መለወጫ በዓላት አሏቸው፡፡

የጎፋ “ጋዜ ማስቃላ” እና የኦይዳ “ዮኦ ማስቃላ” የዘመን መለወጫ በዓላትንም በወንድማማችነት እሴቶች አንድነታቸውን አጽንተው በጋራ በታላቅ ድምቀት ያከብራሉ፡፡

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና