በነቀምቴ ከተማ አንዲት እናት 5 ልጆችን በአንድ ጊዜ ተገላገለች

አዲስ አበባ፣ መስከረም 15፣ 2018 (ኤፍ ኤም ሲ) በነቀምቴ ከተማ አንዲት እናት አምስት ልጆችን በአንድ ጊዜ በሰላም ተገላግላለች፡፡

ወ/ሮ አስቴር ተረፈ የነቀምቴ ከተማ ነዋሪ ስትሆን÷ ከአምስት ዓመት በፊት አንዲት ሴት ልጅ ተገላግላ ነበር፡፡

አሁን ላይም በወለጋ ዩኒቨርሲቲ ኮንፕርሄንሲቭ ስፔሻላይዝድ ሆስፒታል በአንድ ጊዜ አምስት ልጆችን በሰላም ተገላግላለች፡፡

ወ/ሮ አስቴር ሦስት ወንድ ልጆችና ሁለት ሴት ልጆችን በሰላም መገላገሏን የሆስፒታሉ የማሕጸን ሕክምና ስፔሻሊስት ዶ/ር ቢቂላ ለሚ ለፋና ሚዲያ ኮርፖሬሽን ተናግረዋል፡፡

እናትና የተወለዱት አምስት ሕጻናት በመልካም ጤንነት ላይ እንደሚገኙም አመልክተዋል፡፡

በመብራቴ ሁንዴ

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና