በሶማሌ ክልል የተጀመሩ ግዙፍ ፕሮጀክቶችን የሚደግፍ ሰልፍ ተካሄደ

አዲስ አበባ፣ ጥቅምት 2፣ 2018 (ኤፍ ኤም ሲ) በሶማሌ ክልል በቅርቡ የተመረቁና የተጀመሩ ግዙፍ ሀገራዊ ፕሮጀክቶችን አስመልክቶ በክልሉ የተለያዩ አካባቢዎች የድጋፍ ሰልፍ ተካሂዷል።

የሶማሌ ክልል ኮሙኒኬሽን ቢሮ የዲጂታል ሚዲያ ዳይሬክተር አቶ ቢሻር ሞሐመድ ለፋና ዲጂታል እንዳሉት÷ የድጋፍ ሰልፉ በዛሬው ዕለት በክልሉ በሚገኙ 95ቱም ወረዳዎች እና ስድስቱ ከተማ አስተዳደሮች ነው የተካሄደው።

የድጋፍ ሰልፉ መንግሥት በተለያዩ የልማት ፕሮጀክቶች ሕብረተሰቡን ተጠቃሚ ማድረግ በመጀመሩና ከዚህ በፊት የነበረባቸውን ጥያቄዎች እየመለሰ በመሆኑ እንደሆነ አንስተዋል።

በዚህም አሁን ላይ መንግሥት ትኩረት ሰጥቶ የክልሉን ሕዝብ ተጠቃሚ ለማድረግ እየሰራ በመሆኑ ደስተኛ እንደሆኑና ለመንግሥት ያላቸውን አጋርነት ለማረጋገጥ ያለመ ሰልፍ መሆኑን ጠቁመዋል።

በአድማሱ አራጋው

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና