የኑሮ ውድነትን የማረጋጋትና ከተረጂነት የመላቀቅ ግቦችን ለማሳካት …

አዲስ አበባ፣ ጥቅምት 10፣ 2018 (ኤፍ ኤም ሲ) የኑሮ ውድነትን የማረጋጋትና ከተረጂነት የመላቀቅ ግቦችን ለማሳካት የባለድርሻ ተቋማት ቅንጅት ሊጠናከር ይገባል አሉ የብልጽግና ፓርቲ ም/ፕሬዚዳንት አደም ፋራህ።

የብልጽግና ፓርቲ የ2018 በጀት ዓመት የመጀመሪያ ሩብ ዓመት አፈጻጸም ግምገማ ዛሬም ቀጥሎ እየተካሄደ ነው፡፡

በመድረኩ በመንግሥት ሥራዎች አፈጻጸም ላይ ውይይት የተደረገ ሲሆን÷ የሥራ ዕድል ለመፍጠር፣ የኑሮ ውድነትን ለመቀነስ የተከናወኑ ሥራዎችና የተገኙ ውጤቶች እንዲሁም ከተረጂነት የመላቀቅ ግቦች በአጀንዳነት ቀርበዋል፡፡

አቶ አደም ፋራህ በዚህ ወቅት እንዳሉት÷ የኑሮ ውድነትን ማረጋጋትና ሥራ ዕድል ፈጠራ ትኩረት የሚሹ አንገብጋቢ አጀንዳዎች ናቸው፡፡

ከተረጂነት መላቀቅ የተሟላ ሉዓላዊነትን ለማረጋገጥ ወሳኝ መንገድ መሆኑን ገልጸው÷ በዚህ ላይ በተቀናጀ አግባብ መስራት እንደሚገባ አጽንኦት ሰጥተዋል፡፡

ሦስቱንም ሀገራዊ ግቦች በተሟላ መልኩ ለማሳካት የባለድርሻ ተቋማት ቅንጅት ሊጠናከር እንደሚገባ ነው የገለጹት፡፡

በአፈጻጸም ደረጃ እንደ ሀገር ውጤቶች መገኘታቸውን ጠቁመው÷ያለውን የአፈጻጸም ልዩነት ለማጥበብ መስራት እንደሚያስፈልግ አመልክተዋል፡፡

በዘርፉ ውጤታማነትን ለማሳደግ በጋራ ማቀድ እና አፈጻጸሞችን በጋራ በጥልቀት መገምገም ይገባል ማለታቸውንም ኢዜአ ዘግቧል፡፡

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና