ኢትዮጵያ የአርበኞች ሀገር ናት – ፊልድ ማርሻል ብርሃኑ ጁላ

አዲስ አበባ፣ ጥቅምት 24፣ 2018 (ኤፍ ኤም ሲ) የጦር ኃይሎች ጠቅላይ ኢታማዦር ሹም ፊልድ ማርሻል ብርሃኑ ጁላ ኢትዮጵያ የአርበኞች ሀገር ናት፤ መከላከያ ሰራዊት የአባቶቹን አርበኝነት ነው የወረሰው አሉ።

ፊልድ ማርሻሉ ይህንን ያሉት በሀገር መከላከያ ሠራዊት ሰሜን ዕዝ ላይ ጥቃት የተፈፀመበት 5ኛ ዓመት “እንዳይደገም፤ መቼም አንረሳውም” በሚል መሪ ሃሳብ በታሰበበት ወቅት ባስተላለፉት መልዕክት ነው።

ኢትዮጵያ የአርበኞች ሀገር ናት ስንል ገዢ ባህሪያችን ነው ያሉት ፊልድ ማርሻል ብርሃኑ ጁላ÷ ቀላል የማይባል ባንዳ እንዳላትም ገልጸዋል።

ይህም በየዘመኑ መታየቱን ገልጸው፤ በወቅቱ የኮሙኒኬሽን ቴክኖሎጂ ስላልነበረ በደምብ እንደማይታወቅና አሁን ግን የግሎባላይዜሽን ዘመን ስለሆነ የሚደበቅ ነገር የለም ብለዋል።

በዚህም ምክንያት ሲደበቅ የነበረ ባንዳ በገሃድ መውጣቱን አመላክተው÷ የሰሜን ዕዝ ጥቃት የባንዳ ስራ ነው በማለት ገልጸዋል።

በአድማሱ አራጋው

ፈጣን እና ወቅታዊ መረጃዎችን ለማግኘት፡-

የሀገር ውስጥ ዜና