ጠቅላይ ሚኒስትር ዐቢይ (ዶ/ር) ለሲንጋፖር ጠቅላይ ሚኒስትር በብሔራዊ ቤተ መንግሥት አቀባበል አደረጉ

አዲስ አበባ፣ ሕዳር 15፣ 2018 (ኤፍ ኤም ሲ) ጠቅላይ ሚኒስትር ዐቢይ አሕመድ (ዶ/ር) ለሲንጋፖር ጠቅላይ ሚኒስትር ላውረንስ ዎንግ በብሔራዊ ቤተመንግሥት ይፋዊ የአቀባበል ሥነ ሥርዓት አካሂደዋል።

የአቀባበል ሥነ ሥርዓቱ ወዳጅነትን የሚያመላክት የዛፍ መትከል መርሐ ግብር፣ የብሔራዊ ሙዚዬም ታሪካዊ ቁሶች እና ምድረግቢ ጉብኝትን ያካተተ ነው፡፡

በተጨማሪም የሁለትዮሽ ውይይቶችና በክሕሎት ልማት እና የካርበን ብድር የመግባቢያ ስምምነቶች ፊርማን አስቀድሞ የጋራ ጋዜጣዊ መግለጫን ያካተተ እንደነበር የጠቅላይ ሚኒስትር ጽ/ቤት መረጃ ያመላክታል፡፡

የጠቅላይ ሚኒስትር ዋንግ ጉብኝት በሰኔ 2017 ዓ.ም ጠቅላይ ሚኒስትር ዐቢይ (ዶ/ር) በሲንጋፖር ያደረጉትን ጉብኝት ተከትሎ የተካሄደ ሲሆን÷ ይህም በሁለቱ ሀገራት መካከል እያደገ የመጣውን ግንኙነት ያሳያል፡፡

ሁለቱ መሪዎች በጉብኝቱ የኢኮኖሚ ትብብርን ለማላቅ፣ ተቋማዊ መስተጋብርን ለማጠናከርና የወል ቅድሚያዎቻቸውን ከፍ አድርጎ ለመከወን መንገዶችን እንደተመለከቱ ተጠቅሷል፡፡

ፈጣን እና ወቅታዊ መረጃዎችን ለማግኘት፡-

Amharic Podcast YouTube www.youtube.com/@fanamcpodcast በመወዳጀት ይከታተሉን፡፡

ዘወትር፦ ከእኛ ጋር ስለሆኑ እናመሰግናለን!

የሀገር ውስጥ ዜና