የአየር ኃይል 90ኛ ዓመት ምስረታ በዓልን አስመልክቶ የሚካሄደው የአየር ላይ ትርዒት…

አዲስ አበባ፣ ሕዳር 21፣ 2018 (ኤፍ ኤም ሲ) አየር ኃይል የተመሰረተበትን 90ኛ ዓመት ምክንያት በማድረግ ከፍተኛ ዝግጅት የተደረገበት የአየር ላይ ትርዒት ይካሄዳል አሉ የአየር ኃይል ዋና አዛዥ ሌ/ጄ ይልማ መርዳሳ።

የኢትዮጵያ አየር ኃይል 90ኛ ዓመት የምስረታ በዓልን በማስመልከት የ10 ኪሎ ሜትር የጎዳና ላይ ሩጫ በቢሾፍቱ ከተማ ተካሂዷል።

የጎዳና ላይ ሩጫው ‟ለአየር ኃይል ዕድገት በሙሉ አቅሜ እሮጣለሁ” በሚል መሪ ሃሳብ ነው የተካሄደው።

ሌ/ጄ ይልማ መርዳሳ በዚህ ወቅት÷ የ10 ኪሎ ሜትር የጎዳና ላይ ሩጫው በድምቀት እንዲካሄድ አስተዋጽኦ ላበረከቱ አካላት ምስጋና አቅርበዋል፡፡

ኢትዮጵያ የሰው ዘር መገኛ፣ ቅኝ ያልተገዛ ሕዝብ እንዲሁም ተስማሚ የአየር ንብረት ያላት ሀገር ናት ሲሉ አውስተዋል፡፡

የቢሾፍቱ ከተማ 24 ሰዓት በልማት ላይ እንደምትገኝ ጠቁመው ÷ ከተማዋ እና አየር ኃይል በእጅጉ የተቆራኙ መሆናቸውን አንስተዋል።

የጎዳና ሩጫው የአየር ኃይል የተመሰረተበት 90ኛ ዓመት ምክንያት በማድረግ መከናወኑን ጠቅሰው÷ በቀጣይም ከፍተኛ ዝግጅት የተደረገበት የአየር ላይ ትርዒት እንደሚካሄድ አመልክተዋል።

በተጨማሪም የተለያዩ ሀገራት አየር ኃይል አዛዦች ኮንፈረንስ እንዲሁም የአቪዬሽን ኤክስፖ የምስረታ በዓሉ አንዱ አካል መሆኑን ነው ያስረዱት፡፡

ፈጣን እና ወቅታዊ መረጃዎችን ለማግኘት፡-

Facebook www.facebook.com/fanabroadcasting

Facebook https://web.facebook.com/fanasport

Facebook www.facebook.com/wmccwaltamediaandcommunicationcorporate

Amharic Podcast YouTube www.youtube.com/@fanamcpodcast በመወዳጀት ይከታተሉን፡፡

ዘወትር፦ ከእኛ ጋር ስለሆኑ እናመሰግናለን!

የሀገር ውስጥ ዜና