ያለ ሕብረ ብሔራዊ አንድነት ሰላማዊና ልማታዊ ጉዞ ማድረግ አይቻልም – ጠቅላይ ሚኒስትር ዐቢይ (ዶ/ር)

አዲስ አበባ፣ ሕዳር 21፣ 2018 (ኤፍ ኤም ሲ) ኢትዮጵያ ሕብረ ብሔራዊ አንድነት ያለባት ሀገር ካልሆነች በቀር፤ ሰላማዊ እና ልማታዊ ጉዞ ማድረግ አይቻልም አሉ ጠቅላይ ሚኒስትር ዐቢይ አሕመድ (ዶ/ር)።

ጠቅላይ ሚኒስትሩ ‘በመደመር መንግሥት ዕይታ የዘርፎች እመርታ’ በሚል ርዕስ ለብልጽግና ፓርቲ ከፍተኛ አመራሮች ስልጠና ሰጥተዋል።

ጠቅላይ ሚኒስትር ዐቢይ አሕመድ (ዶ/ር) በሰጡት ስልጠና ላይ እንዳብራሩት፤ ኢትዮጵያ፣ መንግስት እና ትውልድ ምን ሊመስሉ ይገባል የሚለው የመደመር ትውልድ ቁልፍ ጥያቄዎች ናቸው።

ኢትዮጵያ ሕብረ ብሔራዊ አንድነት ያለባት ሀገር ካልሆነች በቀር፤ ሰላማዊ እና ልማታዊ ጉዞ ማድረግ እንደማይቻል ገልጸው፤ ለዚህም አስተዳደሩ እውነተኛ ፌዴራሊዝም የሚተገብር፣ ብዝኃ ቋንቋን የሚጠቀም፣ ብዝኃ ማንነትን የሚያቅፍ መሆን አለበት ብለዋል።

የወንድማማችነት እሴትን ማጽናት የመደመር ትውልድን ቁልፍ ጥያቄዎችን ለመመለስ ዋነኛው መንገድ እንደሆነ አንስተው፤ ብሔርን እና ሀገራዊ ብሔርተኝነትን ማስታረቅ እንደሚገባ አጽንዖት ሰጥተዋል።

የሲቪክ ባህልን በማጎልበት በስምምነት እና በመግባባት የጋራ አስታራቂ ተቋማት እና ሕጎች መፍጠር ያስፈልጋል ሲሉ ገልጸዋል።

ያለፈውን ትውልድ ስህተት ማስተካከል፣ ማስፋት እና ማበርከት የመደመር ትውልድ ግንባታ መርሆዎች ናቸው ብለዋል።

የበጎ ፈቃድ አገልግሎትን ባሕሉ ያደረገ፣ ዲጂታል አርበኝነትን የሚያበረታታ፣ በቴክኖሎጂ ያደገ፣ በታደሰ የትምሕርት ስርዓት የተነቃቃ፣ በባሕል አብዮት የተለወጠ የሚሻገር፣ የሚያቆይ እና የሚያስቀጥል ትውልድ መገንባት ይጠበቃል ነው ያሉት።

በዮናስ ጌትነት

ፈጣን እና ወቅታዊ መረጃዎችን ለማግኘት፡-

YouTube www.youtube.com/@fanamediacorporation

Facebook www.facebook.com/fanabroadcasting

Facebook https://web.facebook.com/fanasport

Facebook www.facebook.com/wmccwaltamediaandcommunicationcorporate

Telegram t.me/fanatelevision

Website www.fanamc.com

TikTok www.tiktok.com/@fana_television

WhatsApp www.whatsapp.com/channel/0029VbB0dRxG8l59MUkoWR29

Amharic Entertainment YouTube www.youtube.com/@fanaentertainment

TikTok www.tiktok.com/@fanamc_entertainment

Amharic Podcast YouTube www.youtube.com/@fanamcpodcast በመወዳጀት ይከታተሉን፡፡

ዘወትር፦ ከእኛ ጋር ስለሆኑ እናመሰግናለን!