የኪነ ጥበብ ባለሙያዎች ብሔራዊ ጥቅምን የሚያስጠብቁ ሥራዎችን ሊሰሩ ይገባል

አዲስ አበባ፣ ታሕሣሥ 6፣ 2018 (ኤፍ ኤም ሲ) የኪነ ጥበብ ባለሙያዎች ብሔራዊ ጥቅምን በሚያስጠብቁ ሥራዎች ላይ በትኩረት ሊሰሩ ይገባል አሉ የባህልና ስፖርት ሚኒስትር ሸዊት ሻንካ፡፡

በባህልና ስፖርት ሚኒስቴር አዘጋጅነት ሲካሄድ የቆየው የጥበባት እና ፈጠራ ኢንዱስትሪ የምክክር መድረክ ተጠናቅቋል።

ወ/ሮ ሸዊት ሻንካ በዚህ ወቅት እንዳሉት ÷ የሕዝቦችን አንድነትና ትስስር እንዲሁም አሰባሳቢ ትርክት ለመገንባት ኪነ ጥበብ ጉልህ ሚና አለው፡፡

የኪነ ጥበብ ባለሙያዎች ትውልድን የመቅረጽ ኃላፊነት እንዳላባቸው ጠቁመው ÷ በተለይም ዜጎችን በሚያቀራርቡ ጉዳዮችና በብሔራዊ ጥቅም ላይ የጥበብን አቅም ማሳየት እንደሚጠበቅባቸው አስገንዝበዋል፡፡

ብሔራዊ ጥቅም ከሚረጋገጥባቸው ጉዳዮች መካከል የቀይ ባሕር ጉዳይ አንዱ ነው ያሉት ሚኒስትሯ ÷የኪነ ጥበብ ባለሙያዎች በጉዳዩ ላይ በትኩረት እንዲሰሩ ጠይቀዋል፡፡

መንግሥት ለዘርፉ ልዩ ትኩረት መስጠቱን ገልጸው ÷ለአብነትም መዋቅር ከመዘርጋት ጀምሮ ለጥበብ ምቹ ሁኔታ መፍጠር መቻሉን ጠቁመዋል።

በጀማል አሕመድ

ፈጣን እና ወቅታዊ መረጃዎችን ለማግኘት፡-

Amharic Podcast YouTube www.youtube.com/@fanamcpodcast በመወዳጀት ይከታተሉን፡፡

ዘወትር፦ ከእኛ ጋር ስለሆኑ እናመሰግናለን!

የሀገር ውስጥ ዜና