ታዋቂው ዩቲዩበር አይሾው ስፒድ የኢትዮጵያ ቆይታ…

አዲስ አበባ፣ ጥር 6፣ 2018 (ኤፍ ኤም ሲ) በዩቲዩብ ቻናሉ ከ48 ነጥብ 6 ሚሊየን በላይ ተከታይ ያለው ታዋቂ አሜሪካዊው ዩቲዩበር ዳረን ዋትኪንስ ጁኒየር (አይሾው ስፒድ) በትናንትናው ዕለት አዲስ አበባን ጎብኝቷል።

የ21 ዓመቱ ዩቲዩበር በአዲስ አበባ የተለያዩ አካባቢዎች በመዘዋወር የጎበኘ ሲሆን÷ በቀጥታ ስርጭት ያስተላለፈውን ጉብኝት ከ260 ሺህ በላይ ሰዎች በቀጥታ ተመልክተዋል እንዲሁም አሁን ላይ ደግሞ የተመልካቾቹ ቁጥር 9 ነጥብ 9 ሚሊየን ተሻግሯል።

ታዋቂ ዩቲዩበሩ በአዲስ አበባ ቆይታው፡-

👉 አዲስ አበባ ሲደርስ የቱሪዝም ሚኒስትሯ ሰላማዊት ካሳ አቀባበል አድርገውለታል 👉 የዓድዋ መታሰቢያ ሙዚየምን በባዶ እግሩ ጎብኝቷል

👉 የተለያዩ ባሕላዊ ውዝዋዜ መሞከር ችሏል 👉 የኢትዮጵያን ቁርጥ ስጋን ጨምሮ የተለያዩ ባሕላዊ ምግቦችን ተመግቧል

👉 በኢትዮጵያ ባህል ስፖርቶች ፌዴሬሽን አዘጋጅነት የገና ባህላዊ ጨዋታን ተጫውቷል 👉 የኢትዮጵያ ባሕላዊ የሙዚቃ መሳሪያ የሆነውን ማሲንቆ ተጫውቷል

👉 ከአምስቱ እህትማማች አትሌቶች (የዲባባ ቤተሰቦች) ጋር ተገናኝቷል 👉 በአዲስ አበባ ከተማ የተሰሩ የኮሪደር ልማቶች እና ፓርኮችን ተዘዋውሮ ተመልክቷል

👉 በሚስ ወርልድ 2025 የቁንጅና ውድድር ከአፍሪካ 1ኛ ከዓለም 2ኛ የወጣችውን ሀሴት ደረጄ ጋር ባደረገው ቆይታ በኢትዮጵያ የተመረተ የሌዘር ጃኬት ስጦታ ተበርክቶለታል

👉 በመዲናዋ የተሰሩ የከተማ ማስዋብ ስራዎችን ለዓለም አስተዋውቋል 👉 የኢትዮጵያን እንግዳ ተቀባይነት በሚሊየን ለሚቆጠሩ ተከታዮቹ አስመልክቷል።