የሳዑዲ አልጋ ወራሽ ለጠቅላይ ሚኒስትር ዐቢይ(ዶ/ር) የእንኳን ደስ አለዎት መልዕክት አስተላለፉ

አዲስ አበባ፣ ጥቅምት 3፣ 2019 (ኤፍ ኤም ሲ) የሳዑዲ አረቢያ አልጋ ወራሽ ሙሐመድ ቢን ሰልማን ለጠቅላይ ሚኒስትር ዐቢይ አሕመድ (ዶ/ር) የእንኳን ደስ አለዎት መልዕክት አስተላልፈዋል፡፡

የሳዑዲ አረቢያ አልጋ ወራሽ ሙሐመድ ቢን ሰልማን ቢን አብዱልአዚዝ አል ሳዑድ በመልዕክታቸው፥ ጠቅላይ ሚኒስትር ዐቢይ(ዶ/ር) ለአዲስ የአምስት ዓመት የሥራ ዘመን በመመረጣቸው የተሰማቸውን ደስታ ገልጸዋል።

አልጋ ወራሹ ለኢትዮጵያ ፌዴራላዊ ዲሞክራሲያዊ ሪፐብሊክ ሕዝብ ቀጣይነት ያለው እድገትና ብልጽግናን መመኘታቸውን የሳዑዲ ፕሬስ ኤጀንሲ(SPA) ዘግቧል።