Finfinnee, Caamsaa 18, 2017 (FMC) – Magaalaa Finfinneetti duulli qindoomaan talaallii ittisa dhibee gifiraa eegalameera.
Duula kanaan daa’immaan kuma 600 fi kuma 28 fi 463’f talaalliin kan kennamu ta’uu eerameera.
Duula guyyoota 10’f turu kanaan daa’imman umrii baatii 9 hanga waggaa 5 jiraaniif talaallichi ni kennama jedhame.
Kanaafis gareen talaallii 314 gurmaa’uun har’a hojiin eegalamuu Hogganaan Biiroo Fayyaa Magaalaa Finfinnee Dooktar Yohaannis Caalaan ibsaniiru.
Talaallichi buufataalee fayyaa 96 fi buufataalee yeroo talaallichaaf qophaa’e kuma 1 fi 536 keessatti kan kennamu ta’uutu himame.
Siifan Makonnintu gabaase.