Finfinnee, Fulbaana 26, 2018(FMC) – Atileetoonni Itiyoophiyaa fiigicha Daandirraa xumura torbee kanaa biyyoota garaagaraatti gaggeeffame injifataniiru.
Fiigicha daandirraa Kiiloo meerira 10 Roomaaniyaatti fiiggame Atileetoonni Itiyoophiyaa koorniyaa lamaaninuu injifataniiru.
Fiigicha walakkaa maaraatoonii Ispeen Albaaseetti gaggeeffames Atileetoonni Itiyoophiyaa koorniyaa lamaaniinuu injifataniiru.
Fiigicha Meetira kuma 10 Roomaaniyaatti dhiiroota gidduutti gaggeeffame Atileet Kahaarii Beejiigaa fi morkii dubartoota gidduutti gaggeeffame ammoo Atileet Madinaa Issaan injifatte.
Fiigicha walakkaa maaraatoonii Ispeen Albaaseetti gaggeeffame ammoo dhiiraan Atileet Hagos Iyyoob akkasuma Atileet Kiroos Mu’aaz dorgommii dubartootaa gidduutti godhame injifachuutu ibsame.
Akkasumas dorgommii Walakkaa Maaraatoonii Xaaliyaanii Tireentootti dorgomame Atilee Haabtaaminesh Taafaay injitte.
Fiigicha walakkaa Maaraatoonii Kaaridiifitti gaggeeffames Atileet Yisimaaw Diluun sa’aati bakkichaa fooyyessuun injifateera.
Dorgommii Maaraatoonii Kooloonyaatti gaggeeffame Atileet Faantuu Shuggiin olaantummaan golobdeerti.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.