Finfinnee, Sadaasa 20, 2018 (FMC)- Ministirri Muummee FDRI Dooktar Abiy Ahimad badhaadhina Itiyoophiyaaf bu’uura kaa’uuf sadarkaa walfakkaataan ariifachuu qabna jedhan.
Ministirri Muummee Dooktar Abiy Ahimad leenjii mata duree “Ilaalcha Mootummaa Ida’amuun Milkaa’ina Dameelee” jedhuun hoggantoota Olaanoo Paartii Badhaadhinaaf kennamaa ture ilaalchisuun ibsa taasisaniiru.
Itiyoophiyaan biyya seenaa qaroominaa qabdu taatus yeroofi baraan waan durfamteef boodatti hafuufi barri wayita jijjiiramu bakka dhaabbattetti hafuuf dirqamuu kaasanii, kanas ta’ee garuu waggoota kuma 3 oliif biyya taatee dhaabbachuun ishee waan gaarii ta’uu ibsaniiru.
Boodatti hafuu, dadhabuufi hiyyummaa Itiyoophiyaa dubbannus biyya fedhii waloo biyyaalessaa keenya irratti dubbannu qabaachuun keenya irra deebiin ka’uufi guddachuuf abdii qabaachuu ishee ibsan.
Danqaawwan guddina biyyaa dhorkan cabsuun yoo hin danda’amne guddina biyyaalessaa, naannoleefi magaalotaa fiduun akka hin danda’amne hubachiisaniiru.
Akka fakkeenyaatti Magaalaan Finfinnee danqaawwan kanneen cabsuu kaasanii, beekumsaafi maallaqa kan qabu akkasumas nama invast gochuu barbaaduuf haalli mijataan uumamuu eeraniiru.
Naannoleen danqaalee kanneen cabsuun namoota beekumsaafi maallaqa qaban hawwachuu baannaan guddina magaalaa Finfinneetti argame fiduuf kan rakkatan ta’uu hubachiisaniiru.
Hayilamaariyaam Taganyiin.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo