Finfinnee, Amajii 8, 2018 (FMC) – Godina Shawaa Kaabaa Magalaa Caancootti Balaa Konkolataa mudateen lubbuun namoota 15 darbe.
Har’a waaree booda naannawaa sa’aatii 9:00 Konkolaataan deddeebisa Ummataa magaalaa Qarree Gowaa ka’uu gara magaalaa Finfinnee imalaa ture Magalaa Caancoo bakka addaa laga Leencaa jedhamutti konkolaataa fe’umaa walitti bu’uu balaa muudateen lubbuun namoota 15 darbuun ibsaame.
Ka’umsi balaa kanaas Konkolaataan fe’umsaa Bajajii rukutee kallattii isaa gadi lakkisuunis konkolaataa deddeebisa uummataa Abbaa duulaa jedhamu Magalaa Qarree Gowaa irraa imaltoota fe’ee gara Magalaa Finfinneetti imalaa tureetti bu’uun balaa qaqqabe ta ‘uu Itti Gaafatamaan kutaa xiqqaa to’annaa Nageenya Tiraafikaa Waajjira Poolisii Bulchiinsa magalaa Caancoo Inspeektarri ol’aanaa Gizaaw Tashoomaa ibsaniiru.
Dabalataan namoota 3 irra miidhaa cimaa fi 4 irra ammoo miidhaa salphaan qaqqabuu dubbatan.
Namoonni miidhaan cimaa fi salphaan irra gahees Hospitaala Caancootti yaalamaa jiraachuu eeran.
Faxxanaa Zawdeetu gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.