Finfinnee, Onkololeessa 8, 2018(FMC) – Biqiltuu sagantaa Ashaaraa magariisaan dhaabaman kunuunsuun barbaachisaadha jedhan Hogganaan Biiroo Qonnaa Oromiyaa Obbo Geetuu Gammachuun.
Hooggansiifi hojjettonni biirichaa biqiltuu ganna darbe dhaaban Godina Shawaa Bahaa Aanaa Lumeetti bishaaan obaasuun kunuunsan.
Biqiltoota yeroo gannaa dhaabneef kunuunsa barbaachisu taasifneerra jedhan hojjettoonni Biiroo Qonnaa kunneen.
Uummanni Oromoo aadaafi duudhaa qabeenya uumamaa akka daa’ima isaatti kunuunsuufi eeguun tursiisuurratti qabu cimsuun biqiltuu ganna darbe dhaabuun itti fufiinsaan kunuunsuun murteessaa ta’uu Hoogganaan Biiroo Qonna Oromiyaa Obbo Geetuu Gammachhu himan.
Yeroon kunis, kunuunsa biqultuuf mijataa waan ta’eef ji’a kunuunsa biqiltuu akka Oromiyaatti labsamee jiru kanarratti hunduu hirmaachuu akka qabu dhaaman.
Sadarkaa dandamannaa biqiltuu ashaaraa magariisaa yeroo ammaa 84.5% irra jiru kana danaluuf qaamoleen hawaasaa hundi biqiltuu ganna darbe dhaabaan itti fufiinsaan kunuunsuu akka qaban Obbo Geetuun gaafataniiru.
Baayiluu Baaneetu gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.