Finfinnee, Adoolessa 14, 2017 (FMC) – Bulchiinsi magaalaa Finfinnee dhaabbilee bara baajataa xumurame keessa hojiilee faayadamummaa ummataa mirkaneessan hojjechuun raawwii gaarii galmeessaniif beekamtii kenneera.
Bara baajataa 2017 hojiiwwan fayyadamummaa uummata mirkaneessan hojjechuun milkaa’ina olaanaa waajjiraalee, dhaabbilee, kutaalee magaalaa fi aanaalee galmeessaniif beekamtii fi badhaasa laanneerra jedhan Kantibaan Magaalaa Finfinnee aadde Adaanecha Abeebeen.
Haaluma kanaan;
Waajjiraalee miseensa kaabinee ta’an keessaa;
Waajjira Hojiiwwan Diizaayinii fi ijaarsaa, Nageenyaa fi Tasgabbii, Faayinaansii, Barnootaa fi Koominikeeshinii,
Kutaalee magaalaa keessaa:-
Kutaa magaalaa Boolee, Aqaaqii Qaallittii fi Lammii Kuraa akkasuma Kolfee Qaraaniyoon yoo badhaafaman
Dhaabbilee miseensa kaabinee hin ta’in keessaa:-
Abbaa Taayitaa kabachiisa Seeraa, Abbaa Taayitaa Bishaanii fi Dhangala’oo, Abbaa Taayitaa Daandiiwwanii, Ejensii galmeessa siivilii fi Jiraattummaa,Ejensii bulchiinsa qulqullinaa badhaafamaniiru.
Akkasumas aanaalee 33 badhaafamoo ta’uu kaasan.
Beekamtii fi baadhaasni kan hooggantoota hundaa, abbootii ogummaa sadarkaan jiranii, qaamolee dhimmi ilaallatuu fi uummata keenya nu waliin hojjeteef kan laatame yemmuu ta’u, kunis cimnee hojjennee fedhii misoomuu uummata keenyaa kan ittiin milkeessinu malee kan nu of irraanfachiisuu miti jechuun ibsan.
Kana waan ta’eef beekamtichi bara baajataa itti aanu cimnee hojjechuun fayyadamummaa uummata akka mirkaneessinuuf amaanaa guddaas dabalateetti jedhan.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: www.facebook.com/afaanoromoofana
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.