Finfinnee, Hagayya 25, 2017(FMC) – Pireezidaantiin Mootummaa Naannoo Oromiyaa obbo Shimallis Abdiisaan buufanni Xiyyaaraa Yaaballoo tajaajila eegaluun gaaffii misoomaa baroottaniif deebii kan kenneedha jedhan.
Daandiin Qilleensaa Itiyoophiyaa Buufata Xiyyaaraa Yaaballoo guyyaa har’aa tajaajila eegalchiiseera.
Pireezidaantiin Mootummaa Naannoo Oromiyaa obbo Shimallis Abdiisaan wayita kana akka jedhanitti, mootummaan ijaarsa bu’uuraalee misoomaa saffisiisuun fayyadamummaa uummataa mirkaneessuuf yeroo kamiyyuu caalaa kutannoon hojjechaa jira.
Bakkeewwan giddugala biyyaarraa fageenyarratti argaman bu’uuraalee misoomaan fayyadamoo taasisuun dameewwan hawaasummaa, diinagdeefi siyaasaan qixa akka fayyadamaniif hojjetamaa jiraachuu hubachiisan.
Mootummaan gaaffii uummanni bu’uuraalee misoomaa irratti qabu qabatamaan deebisaa akka jiru ibsuusaanii TOI gabaaseera.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.