Chaayinaafi Hindiin wal dorgomuurra gara wal tumsuutti

Finfinnee, Hagayya 25, 2017(FMC) – Chaayinaafi Hindiin hariiroo isaanii cimsuuf waliigalan.

Biyyoonni lameen waldhabdee daangaa dabalatee muddama waggoottanii booda hariiroo isaanii cimsuuf waliigalaniiru.

Waggoota torba booda yeroo jalqabaaf Yaa’ii hoggantootaa Dhaabbata Tumsaa Shaangaay irratti kan hirmaatan Ministirri Muummee Hindii Naareendiraa Moodiin Pireezidaantii Chaayinaa Shii Jiinpiing waliin magaalaa Tiyaanjiinitti mari’ataniiru.

Hoggantoonni biyyoota lameenii marii gam-lamee taasisaniin, biyyoonni lameen kan waldorgoman osoo hin taane kan waltumsan ta’uu ibsaniiru.

Biyyoota lameen gidduutti nageenyiifi tasgabbiin uumamuus Ministirri Muummee Hindii Naareendiraa Moodiin dubbataniiru.

Biyyoota lameen gidduutti balalliin xiyyaaraa bara faranjootaa 2020 sababa waldhabdee daangaan adda cite ture yeroo dhiyootti kan eegalu ta’uu ibsuu isaanii BBC’n gabaaseera.

Yaa’ii hoggantootaa Dhaabbata Tumsaa Shaangaay kanarratti Pireezidaantii Raashiyaa Viilaadmiir Puutiin dabalatee hoggantoonni biyyoota 20 oliifi hoggantoonni dhaabbilee idil-addunyaa hirmaachaa jiru.

Yoonaas Geetinnatiin.

#Oromia #Ethiopia

Odeeffannoowwan waqtaawaa dabalataa argachuuf;

Teelegiraama t.me/afanoromofana

Yuutiyuubii Afaan Oromo: www.youtube.com/@fmcafaanoromoo

Marsariitii www.fanamc.com/afaanoromoo

Tiwiitara https://twitter.com/fanatelevision

Feesbuukii: FMC Afaan Oromoo

Tiktok https://www.tiktok.com/@fana_afaan_oromoo

Yeroo maraa nu waliin waan taataniif isin galateeffanna.

Comments (0)
Add Comment