Finfinnee, Hagayya 25, 2017(FMC)- Hojii Raawwachiisaa Olaanaan Geejjiba Galaanarraafi Loojistiksii Itiyoophiyaa Dooktar Bariisoo Amaloon dooniiwwan keenya ambaasaaddara ta’uun Itiyoophiyaa beeksisaa jiru jedhan.
Dhaabbatichi daldala al-ergiifi galchii irratti tajaajila geejjiba lafarraafi galaanarraa kennaa jiraachuu ibsan.
Meeshaalee piroojektoota mootummaa geejjibsiisuun ijaarsa diinagdee biyyaa keessatti qooda olaanaa bahachaa akka jirus kaasaniiru.
Dhaabbatichi jijjiiramaan as fooyya’iinsa caaseffamaa taasisuun tajaajila isaa sadarkaa olaanaan guddisuu eeraniiru.
Kana malees Akkaadaamii qabuun ogeeyyii damicharratti bobba’an gama horachuutiin bu’aa olaanaan galmaa’aa jiraachuu ibsuu isaanii TOI gabaaseera.
Akkuma qonnaa, misooma magaalaa, manufaakchariingii fi bu’uuraalee misoomaa biroo galii waliigalaa biyya keessaa keessatti gahee olaanaa bahachaa akka jiru dubbataniiru.
Haaluma Kanaan guddina diinagdee biyyaa keessatti shoora olaanaa bahachaa jiraachuu kaasanii, geejjiba oomishaalee al-ergiifi alaa galanii saffisiisuun tajaajila yeroo qusatu kennaa akka jiru ibsaniiru.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.