Finfinnee, Fulbaana 4, 2018(FMC)- Eebbifamuu Hidha Guddicha Haaromsaa Itiyoophiyaa sababeeffachuun Naannoo Gambeellaa magaalaa Gambeellaafi Naannoo Beenishaangul Gumuz magaalaa Asoosaatti sosochiin Ispoortii gaggeeffameera.
Sosochii Ispoortii magaalaa Gambeellaatti gaggeeffame irratti Pireezidaantii Naannichaa aadde Alamituu Umood dabalatee hoggantoonni olaannoon mootummaa naannichaa biroon argamaniiru.
Aadde Alamituu Umood wayita kana akka jedhanitti, milkaa’ina Hidha Guddicha Haaromsaa Itiyoophiyaan argame hojiilee misoomaa biroorratti dabaluuf ciminaan hojjechuu qabna jedhan.
Bifuma walfakkaatuun sosochiin Ispoortii kun Naannoo Beenishaangul Gumuz magaalaa Asoosaatti mata duree “Gamtaan Dandeenyeerra” jedhuun gaggeeffameera.
Sagantaa kanarrattis hoggantoonni olaanoo naannichaa argamaniiru.
Eebbifamuu Hidhichaa sababeeffachuun naannichatti sagantaaleen garaagaraa gaggeeffamaa jiraachuun kan eerame yoo ta’u guyyaa boruus hiriirri deeggarsaa fi gammachuu ibsannaa kan gaggeeffamu ta’uu Kominikeeshiniin naannichaa ibseera.
Hidhi Guddichi Haaromsaa Itiyoophiyaa Qaammee 4, 2017 eebbifamuun kan yaadatamu yoo ta’u, guutuu biyyatiitti Ummanni gammachuu isaa ibsachaa jira.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.