Finfinnee, Mudde 16, 2018 (FMC) – Feestivaalli Ispoortii barattoota Yuunivarsiitii Itiyoophiyaa mata duree “Ispoortiin Daneessummaafi Beekumsaaf” jedhuun Amajjii 9- 24/2018’tti Yuuniivarsiitii Jimmaatti gaggeeffama.
Qophii feestivaalichaaf taasifamaa jiru ilaalchise koreen qophii sagantichaa ibsa laateera.
Diiniin Akkaadaamii Yuunivarsiitii Jimmaa Dooktar Wandimmaageny Damisseen, feestivaala gosa Ispoortii 15’n adeemsifamuuf qophiin isteediyemii, haaromsa bakka daakaa bishaanii, qophii dirreewwan dorgommiifi kanneen biroo taasifamuu dubbataniiru.
Feestivaalichaan dorgommiiwwan Ispoortiin dabalata qorannoofi qo’annoon Saayinsii Ispoortii akkasumas Siimpooziyeemiin kan gaggeeffamu ta’uu dubbatan.
Pirezidaantiin Yuunivarsiitii Jimmaa Dooktar Jamaal Abbaa Fiixaa gamasaaniin, Ispoortii barattoota yuunivarsiitii Itiyoophiyaa baranaa irratti Yuunivarsiitiiwwan 45 kan hirmaatan ta’uu ibsan.
Feestivaalichi milkaa’inaan akka gaggeeffamuuf qophiiN taasifamuu eeraniiru.
Feestivaala Kanaan waljijjiirraan Aadaafi qophiin Og-Aartii kan gaggeeffamu ta’uus kan ibsan ammoo Pirezdaantii Waldaa Yuunivarsiitiiwwan Itiyoophiyaa Obbo Abbayinee Balaayihuuni.
Warqaafaraawu Yaalawutu gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.