Finfinnee, Onkoloolessa 7, 2018(FMC)- Giddugalli Leenjii Ajaja Duultota Addaa humna koomaandoo amansiisaa leenjisuun gahoomsaa jira jedhan Ajajaan Ajajichaa Leetenaal Jeneraal Shuumaa Abdataan.
Leetenaal Jeneraal Shuumaa Abdataan Giddugala Leenjii Ajaja Duultota Addaa Bilaatteetti argamuun leenjii loltummaa bu’uuraa marsaa 4ffaa eegalchiisuun leenjitoota koomaandoo marsaa 44ffaa daawwataniiru.
Giddugalli leenjii kun giddugala naamuusaafi cichoomina gonfatee fi loltuu Itiyoophiyaa jaalala biyyaalessaa qabu itti ijaaramu ta’uu ibsaniiru.
Leenjifamtoonni muuxannoo bara dheeraa leenjistootaa qooddachuun loltuu cimaa, naamuusaafi jaalala biyyaa gonfate ta’uuf hojjechuu akka qaban hubachiisaniiru.
Koomaandoon amanamummaan ofiisaa dabarsee kennuun biyya isaaf seenaa boonsaa kan hojjetu ta’uus ibsuu isaanii Qopheessaa Olaanaan Miidiyaa Onlaayinii Raayyaa Ittisaa Letenaal Koloneel Wubisheet Chakkol Faanaa Dijiitaaliitti himaniiru.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.