Finfinnee, Hagayya 23, 2017 (FMC) – Gochaa qabeenya yakka malaammaltummaan argaman seera qabeessa fakkeessuun dhiyeessuu ittisuuf caalmaatti hojjetamuu qaba jedhan Itti Aanaan Ministira Muummee FDRI Obbo Tamasgeen Xurunaan.
Akkasumas yakka Shororkeessummaa maallaqaan deeggaruu ittisuuf xiyyeeffannoon hojjetamuu akka qabu ibsan obboTamasgeen Xurunaan.
Walga’ii 25ffaan Mana Maree Ministirootaa Afrikaa Bahaa fi Kibbaa qabeenya yakka malaammaltummaan argaman seera qabeessa fakkeessuun dhiyeessuu fi shororkeessummaa maallaqaan deeggaruu ittisuu eegaleera.
Walga’ichi sirna faayinaansii fayya qabeessaa fi miidhama hawaasummaa ittisuuf waloon dhaabbachuuf murannoo jiru agarsiisuu dabalataan, misooma naannawichaa babal’isuuf ergaa dabarsuuf gahee qabaachuu obbo Tamasgeen Xurunaan baniinsa irratti haasawa taasisaniin ibsaniiru.
Itiyoophiyaan gochaalee qabeenya yakkaan argaman seera qabeessa fakkeessanii dhiyeessuu fi shororkeessummaa maallaqaan deeggaruu ittisuu ajandaa olaanaa riifoormii godhattee hojjechaa jiraachuu kaasan.
Hojichi cimaa fi rakkisaa ta’us dhimmichi ergama diinagdee qofa osoo hin taane gaafatamummaa hamilee ta’uu eeran.
Itiyoophiyaan gahee ishee sirnaan bahachaa jiraachuu dubbatan obbo Tamasgeen Xurunaan.
Leeykuun Alemtu Gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: www.facebook.com/afaanoromoofana
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.