Finfinnee, Amajjii 23, 2018 (FMC) – Guyyaa har’aa pirojektii maddisiisa anniisaa qilleensaa Ayishaa-2 eebbisiisneerra jedhan Ministirri Muummee FDRI Dooktar Abiy Ahimad.
Ministirri Muummee Dooktar Abiy Ahimad ergaa miidiyaa hawaasummaa isaaniin dabarsaniin, guyyaa har’aa pirojektii seena qabeessa ta’e maddisiisa anniisaa qilleensaa Ayishaa-2 ifatti eebbisnee tajaajilaaf qaqqabsiisneerra jedhan.
Pirojektiin guddaan naannoo Somaaleetti argamu kun dhagaa bu’uuraa tarsiimoo wabii anniisaa mirkaneessuu keenyaati jechuun ibsaniiru.
Pirojektichi waggaatti anniisaa giigaa waattii 467 kan maddisiisu ta’uu ibsuun, teeknooloojiiwwan ammayyaa SCADA fi SVG fayyadamuun dhiyeessii humnaa tasgabbaa’aa fi ijaarsa diinagdee teeknooloojiin durfamuuf qooda olaanaa kan bahatu ta’uu eeraniiru.
Dhiyeenyi inni biyyoota ollaaf qabu galma Itiyoophiyaa Gaanfa Afrikaatti giddugala daldala humnaa gochuuf qabame milkaa’uu isaaf qabatamaan mirkanaa’uu ibsan.
Qajeeltoo ida’amuun qabeenya uumamaa bal’aa Itiyoophiyaan qabdu gara qabeenya walootti jijjiiruun Gaanfa Afrikaa qaamaa fi diinagdeen walitti hidhuuf kutannoo qabna jedhan.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.