Finfinnee, Sadaasa 21, 2018 (FMC) – Guyyaa Saboota, Sablammootaafi Ummattoota Itiyoophiyaa Maraa 20ffaa akka naannoo Oromiyaatti guyyaa boruu Magaalaa Buleee Horaatti kabajamu sababeeffachuun mariin paanaalii Yuunivarsiitii Bulee Horaatti taa’amaa jira.
Waltajjii kanarratti hoggantoota naannoo dabalatee abbootii gadaa, haadholii Siinqee,hayyoonniifi keessummoonni affeeraman hirmaataa jiru.
Godinni Gujii godina qabeenya uumamaan badhaateefi seenaa guddaa qabduudha. Oromoon Gujiis sirnoota adda addaa keessa dhiibbaa irra ga’aa ture dandamachuun aadaa, duudhaa,safuufi eenyummaa isaa eeggatee jiraateedha.
Sirna Gadaa Oromoon ittiin addunyaatti beekame illee eeguufi dhalootatti dabarsuu keessatti ga’ee guddaa kan qabuudha.
Marii paanaalii kanaan qorannoowwan garaagaraa dhiyaachuun irratti mari’atamaa jira.
Guyyaan sabaaf sablammoota Itiyoophiyaa 20ffaan Sadaasa 25, 2018 eegalee naannoo Giddugaleessa Itiyoophiyaatti mata duree ”waliigaltee Diimokiraatawaa Tokkummaa Sab-daneessaaf”jedhuun kabajama.
Maraa’ool Kadirtu gabaase
#Oromia #Ethiopia