Finfinnee, Hagayya 2, 2017(FMC) – Komishinarri Komishinii Hoggansa Sodaa Balaa Itiyoophiyaa Dooktar Shifarraawu Taklamaariyaam hojiileen birmadummaa nyaataa mirkaneessuuf eegalaman deeggarsa namoomaa dandeettii ofiin uwwisuuf gahee olaanaa qabu jedhan.
Komishinichi mata duree “Deeggarsa Namoomaa Dandeettii Ofiin” jedhuun ogeeyyii damichaa dhaabbilee waamamtootarraa walitti babba’aniif leenjii kennaa jira.
Itiyoophiyaan biyya qabeenya uumamaan badhaateefi haala qilleensaa mijataa ta’e qabdu ta’uu Dooktar Shifarraawu Taklamaariyaam ibsaniiru.
Waggoottan hedduuf qabeenya qabdu haalaan faayidaarra oolchuu dadhabuun maqaan ishee gargaaramtummaan walqabatee ka’aa akka ture yaadachiisaniiru.
Jijjiirama biyyaalessaan as mootummaan gargaaramtummaa hambisuufi birmadummaa nyaataa mirkaneessuuf damee qonnaan inisheetiiviiwwan hedduu hojiirra oolchuun bu’aa qabatamaa fidaa jira jedhan.
Hojiileen komishinichi mata duree “ Deeggarsa Namoomaa Dandeettii Ofiin” jedhuun hojjechaa jiru ilaalchaafi gochaa gargaaramtummaa kan hambisan ta’uus eeraniiru.
Qaamoleen qooda fudhattootaas hojimaata kana haalaan hubachuun hojiirra oolmaa isaaf xiyyeeffannoon hojjechuu akka qaban hubachiisuu TOI gabaaseera.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: www.facebook.com/afaanoromoofana
Tiktok: https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.