Finfinnee, Caamsaa 28, 2017(FMC) – Hojiileen magaalaa Baahirdaar magaalaa mijattuu taasisan hojjetamaa jiru jedhan Ministira Muummee Itti aanaan Obbo Tamasgeen Xurunaan.
Obbo Tamasgeen Xurunaan hojiileen magaalaa Baahirdaar mijattuu taasisan ijaarsi daandii, misooma kooriidariifi haaromsa dhaabbilee hirmaannaa olaanaan hojjetamaa akka jiran daawwachuu ibsaniiru.
Hojiileen magaalattii mijooftuu, daawwattootaan jaallatamtuufi filatamtuu taasisuuf hojjetaman kan jajjabeeffamanidha jedhan.
Tattaaffiin hojiilee kanneeniifi piroojektoota qulqullinaan xumursiisuuf taasifaman cimanii itti fufuu akka qabanis kaasaniiru.
Mootummaan miidhaginni magaalotaafi eegumsi qabeenya uumamaa akka ammayyaa’aniifi hawwatummaan tuurizimii isaanii akka dabaluuf hordoffiifi deeggarsa barbaachisaa kan taasisu ta’uus hubachiisaniiru.