Finfinnee, Sadaasa 26, 2018 (FMC)- Ijoolleen hoggantoota Afrikaa sosochii Paan-Afrikaaniizimiin beekamanii magaalaa Finfinneetti hojiilee misoomaa daawwachaa jiru.
Daawwannaa kanarratti maatiin Paatiriis Luumuumbaa, Neelsan Maandeellaa, Kuwaamee Nuukuruumaafi hundeessitoota Gamtaa Afrikaa akkasumas hirmaattota sosochii Paan-Afrikaaniizimii biroon argamaniiru.
Turtii magaalaa Finfinneetti taasisaniin Yaadannoo Injifannoo Adwaa, Masaraa Biyyaalessaa, Godambaa Saayinsiifi hojiilee misooma kooriidarii ni daawwatu.
Daawwattoonni kunneen Yaadannoo Injifannoo Adwaatti hojiilee Itiyoophiyaan sosochii Paan-Afrikaanizimiif taasisteefi injifannoo ishee argisiisan daawwataniiru.
Tumsa maatiin isaaniifi hoggantoonni Itiyoophiyaa qabaachaa turan akkasumas gatii Itiyoophiyaan bilisummaa Afrikaaf kaffalte daawwachuu isaaniitti gammaduu ibsaniiru.
Daawwattoonni kunneen sagantaa badhaasa miidiyaa Afrikaa kaleessa galgala Finfinneetti gaggeeffamerratti hirmaachuun isaanii kan beekamudha.
Ashannaafii Shibbiruutu Gabaase.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna