Finfinnee, Sadaasa 17, 2018 (FMC)- Inisheetiivoonni damee qonnaa hojiirra oolaa jiran galmoota gurguddoo afran damee baadiyyaatiin qabaman milkeessaa jiru jedhan Pirezidaantii Itti aanaan Mootummaa Naannoo Oromiyaa Obbo Awwaluu Abdiin.
Hoggantoonni Paartii Badhaadhinaa kilaastara Jimmaatti leenjii fudhachaa jiran hojiiwwan misoomaa Aanaalee Godinichaa daawwataniiru.
Obbo Awwaluu Abdiin wayita kana naannichatti inisheetiivonni damee qonnaatiin hojiirra oolaa jiran galmoota gurguddoo afran damechaan qabaman milkeessaa akka jiran dubbataniiru.
Wabii midhaan nyaataa mirkaneessuu fi carraa hojii bal’inaan uumuu irratti bu’aa olaanaan argamuu eeruun, oomishaa qamadii alaa galu biyya keessatti bakka buusuu fi alatti erguun jalqabamuun isaa injifannoo guddaa damechaan mul’ataa jiru ta’uus ibsaniiru.
Bulchaan Godina Jimmaa Obbo Tijjaanii Naasir, Godinichatti damee qonnaan inisheetiivonni 28 hojiirra ooluun fayyadamummaan ummataa mirkanaa’aa jiraachuu ibsuu isaanii ragaan Kominikeeshinii Oromiyaarraa argame ni mul’isa.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.