Finfinnee, Bitootessa 9, 2018(FMC) – Iraan haleellaa deebii Israa’elirratti fudhachaa jirtuun Teel Aviivirratti qiyyeeffannaawwan 100 haleeluu ibsame.
Haleellaan guyyaa kaleessaa Israa’elirratti fudhatame ajjeechaa Hogganaa Tikaa biyyattii Alii Laarjanirratti raawwatameef deebii ta’uu Eegaan Warraaqsa Iraan beeksiseera.
Haleellichaan Misaa’eloota Kooriimaashaar -4, Qaadir, Eemaadii fi Keebaar Sheekaan jedhaman fayyadamuu ibseera.
Teel Aviivi dabalataan Buufata Hayifaa, Iyyerusaalemii fi Beersaabeehiitti haleellaan raawwatamuu warraaqsichi himeera.
Haleellaa eda raawwatame qofaan lammiileen Israa’eel 192 miidhamuu fi 11 miidhaa cimaaf saaxilamuu Ministeerri Fayyaa Israa’eel mirkaneessera.
Gama biroon Israa’eel haleellaa lafoon Hizboolaahii irratti gaggeessaa jirtuun lammiileen 912 ajjeeffamuu ‘Aljazeera’n gabaaseera.
Waraana guyyoota 19 lakkoofsise kanaan Ameerikaan Iddoolee Misaa’elli Iraan itti argaman ‘Hoormuuz’ boombiiwwaniin haleeluun ibsameera.
Miikiyaas Ayyaleen
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.