Finfinnee, Ebla 27, 2017 (FMC) –Ministirri Ministeera Alaa Dooktar Geediyoon Ximootiwoos gita isaanii Israa’eel Geediyoon Saar waliin dhimmoota waloo biyyoota lamaanirratti mari’ataniiru.
Ministiroonni lameen dhimmoota hariiroo waloo fi naannawaa caalmaatti cimsuuf dandeessisanirratti mari’ataniiru.
Jilli Daldalaa Israa’el Ministira Ministeera Dhimma Alaa biyyattii Geediyoon Saariin durfamu daawwannaa hojiif Finfinneetti argama.
Itiyoophiyaan dameewwan adda addaan Israa’eel waliin hariiroo baroota dheeraa qabaachuu marichaan ibsameera.
Shororkeessummaa tumsaan qolachuuf Itiyoophiyaan hariiroo Israa’eel waliin qabdu cimsitee kan itti fuftu ta’uus Dooktar Geediyoon Ximootiyoos himaniiru.
Itiyoophiyaan michuu dhugaa Israa’eel ta’uu Geediyoon Saar himaniiru.
Michummaa seenaa qabeessaa fi cimaa biyyoota lamaanii caalmaatti cinsuuf Israa’eel murannoo qabaachuu mirkaneessaniiru.
#Oromia#Ethiopia