Finfinnee, Mudde 8, 2018(FMC)- Komishiniin Humna Niwukilaraa Itiyoophiyaafi Pirojektoonni Inarjii Roosaatoomii Federeeshinii Raashiyaa icitii odeeffannoowwan humna niwukilaraa eeguuf waliigaltee mallatteessaniiru.
Waliigalticha Komishinara Komishinii Humna Niwukilaraa Itiyoophiyaa Saandookaan Dabbabaafi Daayrektarri Olaanaan Pirojektoota Inarjii Roosaatoomii Federeeshinii Raashiyaa Andiree Roozdistiviin mallatteessaniiru.
Jilli Itiyoophiyaa obbo Saandookaan Dabbabaan durfamu Raashiyaa magaalaa Mooskootti walga’ii jalqabaa qaamolee lameenii irratti hirmaachaa jira.
Itiyoophiyaafi Raashiyaan ijaarsaafi misooma buufata maddisiisa humna niwukilaraa Itiyoophiyaa saffisiisuuf waliigalteewwan kanaan dura taasifaman hojiirra oolchuuf kutannoo qabaachuun ibsameera.
Ijaarsi pirojektii buufata niwukilaraa kun sosochii misoomaa Itiyoophiyaa keessatti boqonnaa isa olaanaa ta’uunis eerameera.
Waltajjii Kanaan karoora gochaa torbee Atoomawaa Addunyaa baatii Fulbaanaa darbe gaggeeffame cinaatti mallatteeffame irratti ni mari’atama jedhameetu eegama.
Ministirri Muummee Dooktar Abiy Ahimad fi Pirezidaantiin Raashiyaa Viilaadmiir Puutiin teeknooloojii niwukilaraa tajaajila naga qabeessaa fi Itiyoophiyaaf madda humnaa amansiisaa akka ta’uuf mari’atanii akka turan Komishiniin Humna Niwukilaraa Itiyoophiyaa yaadachiiseera.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.