Finfinnee, Hagayya 25, 2017(FMC) – Magaalaa Finfinneetti leenjitoonni marsaa 3ffaan Giddugala Haaromsaafi Dagaaginaa Dubartootaa “Lanageewaa”tti ogummaa garaagaraan leenji’aa turan 810 eebbifamuun gara hojiitti bobbaafaman.
Kantiibaan Magaalaa Finfinnee Aadde Adaanech Abeebeen sagantaa eebbaa kanarratti ergaa dabarsaniin, Giddugalichi dubartoota rakkoolee hawaasummaa garaagaraan daandiirratti kufan kaasuun ogummaawwan addaa addaan leenjisuun gara hojiitti bobbaasaa akka jiru ibsaniiru.
Kan guyyaa har’aa dabalatee dubartoonni leenj’uun gara hojiitti galan kuma 1 fi 692 ta’uu eeraniiru.
Hojiin dubartoota rakkoof saaxilaman leenjisuun gara hojiitti bobbaasuu hojii bulchiinsi magaalichaa xiyyeeffannoon hojjechaa jiru ta’uus himaniiru.
Eebbifamtoonni beekumsa, ogummaafi naamusa gaarii leenjichaan gonfatan hojiirra oolchuun lammii gaarii akka ta’aniifi hojii bobba’an irratti bu’a qabeessa akka ta’an dhaamaniiru.
Qaamolee qooda fudhattootaa, abbootii qabeenyaa fi hoggansa bulchiinsa magaalichaa gochaa gaarii kana beekumsaan, ogummaa fi qabeenyaan deeggaran galateeffachuu isaanii Biiroon Kominikeeshinii Magaalichaa Faanaa Diijitaaliif ibseera.
#Oromia #Ethiopia
Odeeffannoowwan waqtaawaa dabalataa argachuuf;
Teelegiraama t.me/afanoromofana
Yuutiyuubii Afaan Oromo: www.youtube.com/@fmcafaanoromoo
Marsariitii www.fanamc.com/afaanoromoo
Tiwiitara https://twitter.com/fanatelevision
Feesbuukii: FMC Afaan Oromoo
Tiktok https://www.tiktok.com/@fana_afaan_oromoo
Yeroo maraa nu waliin waan taataniif isin galateeffanna.